A convocatoria dos Programas de Cooperación
Emprego Xuvenil para o ano 2019 ten por obxecto a contratación,
durante sete meses, de persoas mozas incluídas e que consten como
beneficiarias no ficheiro do Sistema nacional de garantía xuvenil,
para proporcionarlles unha experiencia e práctica profesional que
facilite a súa inserción laboral.
Esta convocatoria encádrase dentro do Programa
operativo de emprego xuvenil 2014-2020 que se desenvolve no marco do
Fondo Social Europeo para o período 2014-2020 co obxectivo de dotar
de instrumentos á Iniciativa de emprego xuvenil e pór en marcha os
sistemas de garantía xuvenil co fin de loitar contra o desemprego
entre este colectivo.
Requisitos a cumprir polas persoas demandantes
De
acordo co previsto no artigo 19 da Orde do 9 de maio de 2019, as
persoas traballadoras que sexan contratadas para a realización dos
servizos polos que se outorgue a subvención deberán cumprir os
seguintes requisitos:
-
Maiores de dezaoito anos.
-
Inscritas e beneficiarias do Sistema nacional de garantía xuvenil no ámbito da Comunidade Autónoma de Galicia.
-
Debe cumprir cos requisitos formativos e de titulación establecidos polas entidades beneficiarias para cada ocupación que soliciten.
Forma de selección
As
entidades beneficiarias deben realizar a selección das persoas
traballadoras a
través dunha oferta de emprego tramitada na oficina de emprego que
lle corresponda segundo a localización do/s seu/s centro/s de
traballo.
Por
iso, se tes interese en participar nalgún destes procesos de
selección, cumpres os requisitos da convocatoria e, por suposto, os
requiridos para o desempeño da ocupación de que se trate, non
dubides en achegarte á túa oficina de emprego ou contactar co
servizo de orientación laboral,
para obter máis información e anotar na túa demanda á solicitude
do servizo correspondente.
O prazo para realizar a contratación nestes
programas remata o vindeiro 15 de novembro!
Comentarios
Publicar un comentario